Exit Magazine

Maandelijks Brugs Cultuurblad

De Mugge van Brugge is ‘Oender invloed’

 

Wie zijn/haar mondhoeken graag naar boven trekt, stipt best de data van vrijdag 7, zaterdag 8 en zondag 9 december in zijn/haar agenda aan. Op deze dagen presenteert Kevin Rombaux aka De Mugge van Brugge immers zijn gloednieuwe comedyshow ‘Oender invloed’ in cultureel centrum De Dijk in Sint-Pieters. We vroegen tekst en uitleg aan De Mugge. Ip zun Brugs.

EXit: Voor de goede verstaander: de titel van je nieuwste show heet ‘Oender invloed’, maar dat heeft niets met drankmisbruik te maken. Je brengt een hommage aan al je helden. Wie zijn die en waarom waren/zijn ze zo belangrijk voor jou?

De Mugge van Brugge: ‘’t Et inderdoad niétend me drank te maken, mo der worden ier en dor wel verwiezingen no gedoan. Zogezeid de inspiratie van men helden dak uutgedroenken en… ’t et een dubbele bodem. Men helden zien mensen lik Willy Lustenhouwer, wo dak ols kiend de plaatjes van griesde droaide en die shows bluuven toe ip de dag van vandage nog geistig! André Van Duin is ook zo e krak! Zen revues en sketches zaten zo goed in malkoar en je ield em dikwijls ni an zen tekst wodeure dat den ander de slappe lach kreeg. Mo ken vil invloeden, Jacques Vermeire, Gérard Vermeersch, The Mounties zelfs Eddie Murphy wodeure da men interesse vo stand-up gegroeid is, e bitje ’t grovvere werk en gif toe der is ook soms eki niet zo geistig of e vuule klucht te vertallen…’

EXit: Je zet typetjes neer in je show. Het is dus geen typische stand-up comedy?

De Mugge van Brugge: ‘’ t Is e miengelienge van de twee… Stand up, mo ni zo grof lik ofdak anders zoen briengen in stand-up cafés. ’t Got em over ’t begun van men carrière bievorbild den eeste sketch dak oait gespild en ofgewisseld met vertelliengstjes uut men leven… Een werekieken no ’t begun en een begun van wa da nog moe kommen.’

EXit: Hoe bereid je je voor op een dergelijke show? Uren YouTube-materiaal bekijken en oefenen voor de spiegel?

De Mugge van Brugge: ‘Awal, vanzeneigens kruipt er do vil werk in… ’t Schrieven ollene is idd ol e werk van lange oasem. Inderdoad vele YouTube, mo ken van men eigen ol e grote collectie comedy material dak kunnen bekieken. En eki dat in malkoar zit, ist e kwestie van e ki per weke tope te kommen met e deel moaten en olles te erlezen olsan mor ipnieuw en meestol kommen we ton nog ip geestige diengen bie ’t lezen zelve… Eki dat de datum noadert, wordt meerdere keren per weke en de weke van de show olle dagen rippeteren.’

EXit: Je comedytaal is het Brugse dialect. Leg je jezelf daarmee geen beperking op?

De Mugge van Brugge: ‘Gôh, ja ik zient ni echt ols e beperkingen, ik doen geweun wa dak geiren doen en wa damme beter in de moend ligt. Ieder veugeltje ziengt lik of dat ie gebekt is. Freddy De Vadder sprikt ook in zen eigen tolle en wordt ook overol gevraagd. Deur ‘Eigen Kweek’ en ‘Bevergem’ en consoarten wordt Westvlams nu overol meer gevraagd… Ken ook ol ip plekken meugen spelen woar dak anders noois zoen gekommen en. Lik Oed-Turnhout bievoorbild.’

EXit: Droom je van een grote (jaarlijkse) onemanshow in de Stadsschouwburg, net zoals Willy Lustenhouwer, een van je grote helden?

De Mugge van Brugge: ‘Als antwoard ip je latste vrage, tuurlijk droom ik do van, mor eigenlijk ek nu ol ieder joar e werekerende show vo VBRO plus dak ook eki int joar e show doen met Amicom vzw lik nu in moarte die komt doen we een show met ols titele: t’is ier up zen Brugs. Dus in feite ziek ol poar joar bezig met werekerend e show te briengen vo men Brugs publiek. Plus dak nog meespelen met ’t Brugs Variététheater ook sedert twi joar… Khopen dat mag bluuven deuren en dan de mensen willen bluuven kommen… Want der komt nog vele! ’t is e verslavienge da podium… Kzien der volledig van oender invloed!’ (ADC)

Tickets Oender invloed: 050/44 30 60 of via http://www.ticketsbrugge.be
Tickets: Ip zun Brugs : 
ticketsbrugge.be of http://www.ipzunbrugs.be   

 

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit /  Bijwerken )

Google+ photo

Je reageert onder je Google+ account. Log uit /  Bijwerken )

Twitter-afbeelding

Je reageert onder je Twitter account. Log uit /  Bijwerken )

Facebook foto

Je reageert onder je Facebook account. Log uit /  Bijwerken )

Verbinden met %s

%d bloggers liken dit: